“Edhe në rastet kur njerëzit e duan punën e tyre dhe me entuziazëm presin të futen në javën e re, të dielën mbrëma secili prej nesh ndjen një stres të vogël nga mëngjesi i të hënës”, thotë Laura Vanderkam, autore e librit “Çfarë bëjnë njerëzit e suksesshëm në fundjavë”.
Njerëzit më të suksesshëm, thonë ekspertët, dijnë si të kalojnë pa stres orët e fundit të uikendit. Ja disa gjëra që veprojnë ata të dielën mbrëma:
Kalojnë në mënyrë kualitative kohën me familje, miq dhe persona tjerë të rëndësishëm.
Duke pasur parasysh se java e punës do të jetë e ngarkuar me angazhime dhe obligime, njerëzit e suksesshëmshfrytëzojnë të dielën pasdite në rrethin e njerëzve më të dashur.
Dijnë të zbaviten
Për të hequr mendjen nga ajo që i pret të hënën në mëngjes, njerëzit e suksesshëm gjithmonë përpiqen që të përqëndrohen në diç që do t’i bëjë ata të pushojnë dhe argëtohen. Kjo mund të jetë ndonjë film interesant, ose përshembull dalja me shoqëri në ndonjë aktivitet sportiv.
Përgatisin planin për javën e ardhshme
Disa njerëz, një pjesë të së dielës mbrëma e kalojnë duke analizuar detyrat dhe afatet që kanë vendosur për javën e re të punës.
Ushtrojnë
Shëtitja, vrapimi, tenisi apo çfarëdo sporti tjetër është ideale për fundin e uikendit dhe përgatitjen për suksese të reja në punë.
Lexojnë
Shumica e njerëzve të suksesshëm lexojnë çdo natë para fjetjes. Këtë e bëjnë edhe të dielën, madje edhe më gjatë se netët tjera për të kompensuar leximin e munguar gjatë javës.
Relaksohen
Kur njeriu e di se do të ketë javë të ngarkuar, gjumi kualitativ dhe ushqimi i shëndetshëm janë më se të rëndësishëm. Andaj, gjatë uikendit “mbushni bateritë”, freskoni trupin dhe shpirtin tuaj.
Bëjnë punë vullnetare
Asgjë në jetë nuk mund t’ju lirojë nga stresi, sa ndihma njerëzve të cilët janë të pafat, shkruan në librin e saj Laura Vanderkam. “Kjo është një mënyrë e mirë për t’u lidhur me njerëz, para se të lëshoheni përsëri në rutinën e përditshmërisë”, shton ajo.
Jini të kënaqur
E hëna do të vjen, pavarësisht se si ndiheni ju, andaj, para se të troket, “pajisuni” me mendime pozitive, këshillon psikologu Michael Woodward. /tesheshi.com/
