Dëshironi të keni një raport në çift të mbushur me dashuri që sa vjen dhe rritet? Hapi i parë është që ta pranoni tjetrin pa i vënë në diskutim shumë gjëra. Zbuloni më poshtë gabimet në të cilat bien përgjithësisht çiftet dhe mundohuni t’i shmangni sa më shumë të mundeni, për të pasur një martesë apo jetë në çift të lumtur.
- Përdorimi i situatave të shkuara gjatë sherreve apo debateve është e gabuar. Kujt po i intereson se çfarë ka ndodhur në të shkuarën? Mbani parasysh të tashmen.
- Nuk janë debatet ato që e dëmtojnë marrëdhënien, por mënyra se si i drejtojmë këto debate. Bërtitja, akuzat dhe ngritja e tonit të zërit krijojnë distancë dhe nuk i zgjidhin problemet.
- Je xheloze? Mos e trego! Një reagim jo i përshtatshëm krijon pasiguri si për ju edhe për partnerin.
- Mos e nënvlerësoni kurrë tjetrin. Fjalia më e gabuar që themi gjithmonë është: T’i kështu je, nuk ke për të ndryshuar kurrë…” Mundohuni ta shmangni.
- Idealizimi është i rrezikshëm. Shikojeni me ndershmëri personin që doni. Është shumë e rëndësishme që të dini dhe të pranoni pikat e tij të dobëta apo edhe defektet.
- Kujdes me gënjeshtrat. Konsideroni ato që janë vlera të rëndësishme dhe reflektoni mbi to.
- Mësoni të komunikoni nevojat tuaja. Lumturia varet edhe nga aftësia për të treguar në mënyrën e duhur atë që do.
- Merrini gjërat seriozisht. Një marrëdhënie e gjatë pa biseduar apo pa marrë një hap të rëndësishëm për të ardhmen tregon një frikë të madhe. /tesheshi.com/
