Në një fjalëmbajtje të tij në kuadër të 8 dhjetorit, Ditës së Rinisë, ditës kur shpërtheu lëvizja studentore anti-komuniste, kreu demokrat Basha ka bërë një skaner të të sotmes politike, sipas tij, me liri sërish të kufizuara. Mbi të gjitha, sicc tha Basha, problemet shqiptare, edhe pas 27 vitesh demokraci, vetëm në vende afrikane mund t’i hasësh
“Liritë politike të shqiptarëve janë sërish të cenuara e kufizuara sepse shqiptarët ende nuk votojnë të lirë, mundësitë e tyre për përparim njerëzor e shoqëror janë më të vogla se në çdo vend tjetër në Europë nga e cila vazhdojmë të mbetemi një nga kombet më të izoluara. Shqipëria sot është e mbytur nga probleme që sot përjetohen vetëm nga vendet e prapambetura të Azisë dhe Afrikës. Është e paimagjinueshëm që sot në vend të flitet për biznese të reja, nga rinia për përparime teknologjike, arsim, dije, flitet për një bandë trafikantësh injorantë. Në vend që të mendojmë për më të pamundurit mes nesh, e tu gjendemi në krah, ne diskutojmë si të ndalojmë një grusht politikanësh të korruptuar dhe oligarkësh grabitqarë që të mos grabisin vendin”, tha Basha. /tesheshi.com/
