Ndër ndryshimet rrënjësore që ndodhin në jetën e një femre kur bëhet nënë, ndryshimet neurologjike janë më të theksuara.
Që para se një grua të sjellë në jetë foshnjën e saj, gjatë muajve të shtatzënisë, truri fillon të thurë themelet për zona të reja, veçanërisht në zonën paraballore, në trurin e mesëm dhe në lobet. Aktivitetet nervore, sidomos të ato të lidhura me empatinë, ankthin dhe emocione të tjera, rriten dita ditës.
Të gjitha këto aktivitete janë të ndërlidhura me një fluks hormonesh gjatë shtatzënisë dhe sidomos gjatë periudhës post-partum dhe do të shërbejnë për të forcuar lidhjen dhe tërheqjen që ka nëna ndaj foshnjës. Me fjalë të tjera, ajo ndjenja e një dashurie të papërshkrueshme, nevoja për mbrojtje të pakontrullueshme dhe “meraku” të vazhdueshëm, e kanë zanafillën pikërisht nga ky stad i jetës së nënës së re.
Studiuesit thonë se po të hartohej një hartë e trurit të nënës do të kuptohej më mirë ai shtimi i ankthit dhe depresionit tek nënat e reja që pastaj reflektohet me sjellje jo normale; si larja e duarve shpesh apo kontrolli çdo sekondë nëse fëmija po merr frymë apo jo.
Një vëmendje të caktuar shkencëtarët ia kanë kushtuar atij lloj neuroni në formë bajameje që njihet si amygdala, i cili është përgjegjës për procesin e kujtesës dhe mbarëvajtjen e emocioneve si frika, ankthi dhe nervozizmi. Shumë kërkues pohojnë se është pikërisht rritja e aktivitetit të amygdalas që e bën nënën të ndjeshme ndaj nevojave të fëmijës dhe me ndihmën bashkëpunuese të një grupi hormonesh, krijojnë një kundërpërgjigje pozitive për të motivuar kështu mëmësinë. Në bazë të ndryshimeve neurologjike dhe hormonale, mëmësia mund të krahasohet me procesin e të rënit në dashuri.
Oxytocina gjithashtu rrit aktivitetin e saj sa herë që nëna e sheh beben e vet. Një rritje e oxytocinës gjatë kohës së gji dhënies mund të shpjegojë edhe ndjeshmërinë e theksuar që kanë nënat gji dhënëse ndaj zërit të bebes, ndryshe nga nënat që nuk ushqejnë me gji.
Mëmësia: zbulimi i dhomave sekrete në trurin e një femre. Shkurt akti i të kujdesurit për fëmijën thurë rrugëtime të reja në trurin e një prindi. /tesheshi.com/
