Në të gjithë botën është shpërndarë tashmë një formë arti me të vërtetë e lezeçme dhe alternative. Bëhet fjalë për realizimin e skulpturave të mëdha me formueset Lego.
Zhao është eksponenti i parë kinez i këtij lloj arti dhe vepra e tij në brendësi të një ekspozite të madhe dedikuar një prej produkteve më jetëgjatë për fëmijë, në qytetin Ningbo ishte pritur me padurim. Artisti i ri kishte zgjedhur të ekspozonte kryeveprën e tij për qytetarët. Bëhet fjalë për skulpturën e Nick, dhelprës së filmit të animuar Zootopia.
Siç raporton Metro.co.uk, për ta realizuar i janë dashur 15 mijë euro shpenzime dhe 3 ditë e 3 netë pune për ndërtimin. Mirëpo, sapo është ekspozuar, vepra ndenji në këmbë vetëm një orë, e më pas u shkatërrua gabimisht prej një fëmijë shumë kurioz, i cili kishte arritur të kalonte kufirin e sigurisë për mbrojtjen e objektit. /tesheshi.com/
