Qyteti japonez i Nagasakit shënon 70-vjetorin e shpërthimit të bombës bërthamore të hedhur në këtë qytet nga Shtetet e Bashkuara, tre ditë pas asaj në Hiroshima.
Një minutë heshtje u mbajt gjatë ceremonisë ku si kryetari i Bashkisë ashtu edhe të mbijetuar kritikuan kryeministrin Abe për zgjerimin që synon t’i bëjë kapaciteteve ushtarake të vendit.
Të paktën 70 mijë persona humbën jetën gjatë sulmit në Nagasaki, qytet që u zgjodh pasi objektivi i parë, Kokura ishte i mbuluar nga një re.
Pjesa më e madhe e qytetit u rrafshua me tokën.
Në celemoninë solemne morën pjesë përfaqësues nga 75 vende, përfshirë edhe ambasadoren amerikane, Caroline Kennedy. Kryebashkiaku Tomihisa Taue than në fjalën e tij se ka shqetësim për ligjet e reja të kryeministrit Abe që do të ndryshojnë kërkesat e Kushtetutës duke lejuar më shumë armë për Japoninë sesa duhen për t’u mbrojtur. /tesheshi.com/
