Vaji i xhoxhobas është i pasur me acide yndyrore, antioksidantë, vitamine E dhe sterole. Përmban një sasi të lartë të ceramideve, të cilat rregullojnë hidratimin e qelizave të lëkurës. Është i sigurt për tu aplikuar në lëkurë, por nuk është i sigurt për tu konsumuar. Më poshtë janë disa nga mënyrat e përdorimit të vajit të xhoxhobas.
1- Trajtues për ti dhënë shkëlqim flokut.
Aplikoni disa pika vaji xhoxhoba në të gjithë flokun ose vetëm ne maja për të larguar pamjen e thatë dhe të pashëndetshme të tyre. Gjithashtu ndihmon për të ruajtur lagështinë natyrale të flokut.
2- Largon makeup-in.
Aplikoni vaj xhoxhoba në një pambuk dhe fshini butësisht sytë për të larguar makup-in. Vaji i xhoxhobas është mjaftueshëm i butë për këtë zonë të ndjeshme, por është edhe mjaftueshëm i fortë sa për të larguar makeup-in.
3- Larës fytyre.
Aplikoni vaj xhoxhoba në një copë pambuku dhe lagni të gjithë fytyrën me të. Më pas lagni një copë tjetër pambuku me ujë dhe lageni sërish fytyrën. Vazhdoni me larjen normale të fytyrës suaj.
4- Balsam per buzet.
Aplikoni një ose dy pika vaj xhoxhoba në buzë për ti mbrojtur ato. Është veçanërisht i dobishëm kundër efekteve tharës të erës dhe të ftohtit.
5- Locion hidratues.
Mund ta aplikoni vajin e xhoxhobas nga koka te këmbët. Aplikojeni pas dushit, ndërkohë që lëkura është ende e lagësht dhe përthith më mirë lagështinë.
6- Zbutës i lëkurës së këmbëve.
Aplikoni disa pika vaji xhoxhoba për të bërë këmbët tuaja më të buta dhe me më pak kallo.
7- Lehtësues i djegieve nga dielli.
Aplikoni disa pika në zonat problematike për të lehtësuar dhembjen dhe skuqjen./tesheshi.com/
