Vitaminat dhe mineralet: 20 fakte që duhet të dini
Ushqimi i mirë është një akt balancues për trupin. E dimë se vitaminat dhe mineralet janë të rëndësishme, pak prej nesh e kuptojnë rolin që ato luajnë në shëndetin tonë të përditshëm.
Ka shumë keqinformime dhe mund të mos ndiheni të sigurt se çfarë të besoni e çfarë jo.
Duke pasur parasysh këtë, le t’i hedhim një vështrim disa nga fakteve shkencore lidhur me to.
- Dozat e larta të vitaminave mund të jenë të rrezikshme
Shumica e njerëzve besojnë se duhet të rrisin sasinë e vitaminave në dietën e tyre. Sidoqoftë, doza të larta të vitaminave A, D, E, ose K mund të jenë toksike. Për të qëndruar të shëndetshëm, sigurohuni që të hani me dietë të ekuilibruar dhe të kërkoni këshilla nga një profesionist mjekësor.
- Vitamina B6 mund të jetë jetike për gratë shtatzëna
Kur jeni shtatzënë, është me rëndësi që t’i jepni trupit tuaj atë që i nevojitet. Një raport nga Instituti Kombëtar i Shëndetit sugjeron që vitamina B6 është e përfshirë në zhvillimin e trurit gjatë shtatzënisë dhe foshnjërisë. Ju mund të rritni sasinë e B6 në dietën tuaj duke ngrënë mish pule, perime dhe fruta. Bisedoni me një mjek për të përcaktuar se çfarë plani diete funksionon për ju dhe gjendjen tuaj.
- Magnezi mund të rrisë performancën e ushtrimeve
Dëshironi të stërviteni më shumë në palestër? Një studim i botuar në Revistën Britanike të Mjekësisë Sportive sugjeron që konsumimi i shtuar i magnezit i ndihmon njerëzit t’i rezistojnë stërvitjes së ashpër. Kjo do të thotë që njerëzit që priren të ushtrojnë më shumë mund të kenë nevojë të rrisin konsumimin e magnezit. Gjithmonë flisni me mjekun tuaj përpara se të ndryshoni dietën tuaj.
- Zinku ndihmon shërimin e plagëve
Zinku, një mikronutrient, mund të jetë më i fuqishëm nga sa mendoni. Hulumtimi i botuar në revistën shkencore Nutrients flet për rolin jetik të zinkut në shërimin e plagëve. Sipas studimit, zinku mund të ndihmoj riparimin e indeve dhe bën mbrojtjen e imunitetit. Disa burime të mira zinkut gjenden në mish, arra dhe vezë.
- Vegjetarianët janë në rrezik të mungesës së B12
Meqenëse B12 zakonisht gjendet në burimet ushqimore të kafshëve, vegjetarianët rrezikojnë të jenë të mangët në këtë vitaminë të veçantë, sipas studimit të publikuar në Nutrients. Raporti gjithashtu sugjeron që vegjetarianët dhe veganët mund të marrin dozën e kërkuar të vitaminës duke konsumuar “ushqime të fortifikuara ose shtesa”.
- Vitamina C rrit sistemin tuaj imunitar
Mbrojtja kundër sëmundjeve dhe viruseve mund të jetë e thjeshtë – vetëm rritni vitaminën C.
Një raport nga Instituti Kombëtar i Shëndetësisë Britanike tregon që kjo vitaminë e tretshme në ujë luan një rol të madh në ngritjen e imunitetit tuaj. Disa burime kryesore të vitaminës përfshijnë agrumet, domatet dhe patatet.
- Trupi i njeriut ka nevojë për kripë
Nuk ka dyshim se konsumimi i tepërt i kripës është i keq për shëndetin. Sidoqoftë, një raport nga Harvard sugjeron se trupi i njeriut ka nevojë për një sasi të vogël të këtij minerali. Natriumi ndihmon trupin të kontrollojë impulset nervore dhe të kontraktoj dhe të relaksojë muskujt. Merrni këshilla nga mjeku juaj për sasinë ditore të rekomanduar. /tesheshi.com/
