Ann e Lynda janë motra binjake të një veze në moshën 61 vjeçare. Të dyja janë martuar me bashkëshortët e tyre respektivë në të njëjtën ditë. Sot ato janë të detyruara të bëjnë një varrim të përbashkët, pasi dy bashkëshortët e tyre kanë ndërruar jetë me një ditë diferencë nga njëri-tjetri.
Ngjarja ka ndodhur në Spondon në Mbretërinë e Bashkuar. Siç raporton Mirror, Ann dhe Lynda gjetën bashkëshortët e tyre, respektivisht Ron Ross e Derrick Tomlinson, në një festë kërcimi. Mes dy çifteve ndodh dashuria me shikim të parë, aq sa janë fejuar në të njëjtën kohë, më 13 maj të vitit 1973 dhe dita e dasmës ka qenë në të njëjtën ditë, më 15 shkurt 1975.
Ka qenë një jetë plotë me gëzim të përbashkët, lumturi si dhe fatkeqësi në të njëjtën kohë. Pasi bashkëshortët e tyre ndërruan jetë në diferencë një ditë nga njëri-tjetri, dy gratë janë detyruar të mbajnë homazhet për funeralet e bashkëshortëve në të njëjtën datë. “Të paktën janë larguar bashkë. Me ta kemi kaluar gjithë jetën dhe kemi vizituar gjithë botën. Do të na mungojnë shumë”,- thonë gratë. /tesheshi.com/
