Nutricinistët thonë se vezët janë një nga ushqimet më ushqyese, dhe për efektin maksimal të tyre rekomandohen dy deri në tre copë në ditë.
Gjithë këto vite, vezët kanë pasur një reputacion të keq, sepse ka dominuar një besim që ato shkaktojnë rritjen e kolesterolit. Kjo është arsyeja pse njerëzit u janë shmangur atyre, sidomos ata persona që kanë pasur nivele të larta të yndyrës në gjak ose ndonjë problem me sëmundje kardiovaskulare.
Një seri studimesh që janë bërë në 10 vitet e fundit kanë gjetur se vezët u përkasin ushqimeve më të shëndetshme. Janë të pasura me proteina, yndyrna të shëndosha, vitamina dhe minerale, thotë dietologu Joe Lis.
Si vezë mund t’u ndihmojnë vezët të humbni peshë?
Kanë pak kalori
Humbja e peshës nënkupton numërimin e kalorive dhe vezët mund të jenë të rëndësishme për të gjithë ata që dëshirojnë të mbajnë dietë. Edhe vezët e mëdha kanë një sasi të vogël kalorish, rreth 78. Nëse për mëngjes konsumoni dy deri katër vezë dhe në një pjatë vendosni disa perime të shëndetshme, ju do të keni një vakt të tërë për vetëm 300 kalori.
Janë shumë ushqyese
Pavarësisht nga sasia e vogël e kalorive, vezët janë shumë të pasura me proteina të cilat do t’u mbajnë të ngopur për kohë të gjatë. Studimet kanë treguar se nëse çdo ditë konsumoni më shumë proteina dhe më pak karbohidrate, ju do të mund të humbni peshë. Dietat me sasi të larta të proteinave mund të zvogëlojnë dëshirën për ushqim për më shumë që 60 për qind dhe do të parandalojnë dëshirën për të ngrënë diç natën.
Eshtë ushqim i shkëlqyeshëm për mëngjes
Studimet kanë treguar se gratë obeze të cilat kanë ngrënë për mëngjes vezë në vend të krofneve (kifleve), kanë humbur peshë, sepse ato janë ndier të ngopura dhe kanë futur më pak kalori brenda 36 orëve të ardhshme. Tek meshkujt uria është shfaqur pas 24 orësh.
Hulumtimi gjithashtu ka treguar se ata që kanë ngrënë vezë për mëngjes kanë humbur peshë më shumë se 65 për qind në krahasim me ata që nuk i kanë ngrënë dhe kjo për vetëm një javë. Vezët janë të pasura edhe me kolesterol, por shkencëtarët konsiderojnë se është e lejuar që të hahen tre copë në ditë.
Janë të lira dhe të lehta për t’u përgatitur
Jo vetëm që ato janë të shëndetshëm, ato janë edhe miqësore edhe për portofolin. Mund që të përgatiten në disa mënyra në pak minuta sido që ti dëshironi ato: të ziera, të skuqura ose të fërguara.
Sigurisht vezët e ziera janë më të shëndetshme, sepse për përgatitjen e tyre nuk përdoret vaji. Kur ndodh kjo, e verdha e vezës nuk është i ekspozuar ndaj temperaturave të larta, kështu që nuk ka dëme të kolesterolit. /tesheshi.com/
