26 vjeçarja angleze Ashton Howard, filloi të vuante nga një dhimbje e bezdisshme në këmbë pas disa pushimeve me miket e saj në Kroaci dhe në Ibiza. Gjatë këtyre pushimeve ka kaluar disa mbrëmje në disko. Në një moment të parë Ashton mendoi se shkak i dhimbjes së këmbëve mund të ishte “abuzimi” me takat e larta, por kur shkoi tek mjeku mësoi të vërtetën tragjike.
Ngjarja ka ndodhur në Londër dhe siç raporton Mirror, vajza është prekur nga një formë e rrallë e kancerit të gjakut, çka provokon dhimbje të mëdha në arteriet fundore, e madje, në shumë raste nuk të lejon as të qëndrosh në këmbë.
Kalvari i Ashton nisi në vigjiljen e Vitit të Ri, kur nisi t’i merreshin mendtë. Edhe në këtë rast vajza e nënvlerësoi simptomën, duke menduar se mund të ishte pasojë e pijeve që kishte konsumuar gjatë asaj kohe. Vajza punon si organizatore në një kompani dhe frekuenton shpesh lokalet e natës.
Megjithatë, dhimbjet vazhdonin gjithmonë e më të forta. Ashton nisi as të mos ecte e të mos ulej dot më. Nëna e saj arriti ta bindë më në fund që të bënte një vizitë tek mjeku, ku mësoi dhe të vërtetën e hidhur.
“Mendova se nuk ndihesha mirë për shkak të kërcimeve të shumta dhe papritur më thonë se kam tumor dhe se duhet të bëj kemio. Bota më ra sipër”,- tregon vajza.
E megjithatë, Ashton është shumë e vendosur të përballojë terapinë me guxim, edhe pse kjo po i sjell humbjen e flokëve. “Sot kam ndërruar shumë zakone që kam pasur më parë. Jam transferuar në ishullin Wight, ku jetoj me prindërit e mi dhe bëj një jetë të qetë. Mbase kanceri më ka shpëtuar nga ajo jetë që bëja më parë”,- përfundon Ashton. /tesheshi.com/
