Kancelarja gjermane Angela Merkel është shprehur se ajo do të kandidojë për një mandat të katërt në krye të partisë konservatore.
Lajmi është bërë i ditur nga BBC, sipas së cilës 62-vjeçarja Merkel pritet të lajmërojë një nga këto ditë, me shumë mundësi të dielën e ardhshme kandidaturën për kreun e Partisë Kristian Demokrate (CDU) në Berlin.
Zgjedhjet e ardhshme pritet që të mbahen në Gjermani vjeshtën e ardhshme. Sipas sondazheve, mbështetja e zgjedhësve për Merkelin ka rënë, por sërish ajo vijon të kryesojë në renditje.
Merkel, 62 vjeçare, u bë femra e parë kancelare e Gjermanisë në vitin 2005. Ajo është gjithashtu edhe liderja e parë e Gjermanisë së bashkuar që është rritur nën komunizëm në ish Gjermaninë Lindore. /tesheshi.com/
