Zgjidhja e krizës institucionale, vlerësohet roli i Jahjagës në delegacionin Austri-Kosovë

Presidentja Atifete Jahjaga priti në takim një delegacion nga grupi parlamentar i miqësisë Austri-Kosovë, i cili udhëhiqej nga Hannes Weninger.

Dy delegacionet biseduan për zhvillimet e përgjithshme në vendin tonë, përfshirë dhe zhvillimet e muajve të fundit në Kuvendin e Kosovës, si dhe proceset që kanë të bëjnë me përmbushjen e kritereve për liberalizimin e vizave, pas nënshkrimit të Marrëveshjes së Stabilizim Asociimit me Bashkimin Evropian.

Presidentja Jahjaga shprehu falënderimin e institucioneve dhe popullit të Kosovës për ndihmën e vazhdueshme që Austria i ka dhënë qytetareve dhe proceseve nëpër të cilat ka kaluar Kosova.

Udhëheqësi i delegacionit nga grupi parlamentar i miqësisë Austri-Kosovë, Hannes Weninger, theksoi se vendi i tij do të vazhdojë mbështetjen për Kosovën, ndërkohë që vlerësoi lart rolin e Jahjages në kërkim të zgjidhjes së krizës pas zhvillimeve në

Kuvendin e Kosovës./tesheshi.com/