603 intelektualë të Kosovës kanë nënshkruar një peticion përmes të cilit kërkohet lirimi i kreut të AAK-së, Ramush Haradinaj i cili po mbahet në Francë nga 4 janari pas një flet-arresti të lëshuar nga Serbia.
Përfaqësuesi i intelektualëve, Hakif Bajrami në një konferencë për media tha se përmes peticionit e ftojnë shtetin e Francës për drejtësi në rastin e Haradinajt.
“Një peticion të nënshkruar nga 603 intelektualë të Republikës së Kosovës. Ne nuk po kërkojmë asnjë privilegj po kërkojmë drejtësi për Ramush Haradinaj, për UÇK-në, e cila i ka treguar botës se si bëhet lufta. Sot në emër të këtyre intelektualëve, në emër të drejtësisë, të barazisë e ftojmë drejtësinë franceze ta jep drejtësinë e saj”, ka thënë ai.
Sipas tij, peticioni do të dorëzohet sot në Ambasadën franceze në Prishtinë.
Kujtojmë se gjykata e Kolmarit në Francë vendimin final për Haradinajn do ta marrë me datë 27 të këtij muaji, ku përfundimisht do mësohet nëse do lirohet apo do ekstradohet në Beograd, gjë që kjo e fundit pak gjasa ka të ndodhë. /tesheshi.com/
