Presidenti i Këshillit Evropian, Donald Tusk u kërkoi 27 vendeve të BE-së që të dëshmojnë sot se janë drejtuesit e Evropës. Duke folur në Romë në kuadër të 60-vjetorit të traktatit të themelimit të Unionit, Tusk bëri dhe një herë apel për unitet, në kohën kur BE po kalon kohëra të vështira pas Brexit.
“Unioni pas Romës duhet të jetë më shumë se më parë, një Union me të njëjtat parime, një union me një sovranitet të jashtëm, një Union me unitet politik”, tha Tusk. Ndërkohë, një ditë më parë, një tjetër zyrtar i lartë BE-së, Jean Cloude Junker tha se nëse BE shpërbëhet, në Ballkan do ketë luftë. /tesheshi.com/
