Lëkura e pastër është karakteristike për një femër… Shumë femra përdorin produkte të ndryshme për të pasur lëkurën e tyre sa më të pastër, por ndonjëherë detajet e vogla janë ato që bëjnë diferencën. Ne do t’ju tregojmë 6 truke të cilat janë shumë të dobishme për lëkurën tuaj.
- Pastroni rregullisht ekranin e celularit tuaj. Studimet kanë treguar se celulari mund të përmbajë 10 herë më shumë baktere se ulësja e wc.
- Lani rregullisht furçat që përdorni për përhapjen e make up-it. Nëse përdoren për një periudhë të gjatë pa u larë, mund të shkaktojnë puçra dhe acarim të lëkurës suaj.
- Bëni kujdes me dietën tuaj. Sheqernat dhe ushqimet me yndyrë janë armiku numër një i një lëkurë të shëndetshme. Por njerëzit shpesh harrojnë se dietat e forta janë të dëmshme për lëkurën, pasi e bëjnë atë më të thatë dhe të lodhur.
- Mos e teproni me scrub-in. Scrub-i jua bën lëkurën të lëmuar, të freskët dhe të pastër, por gjithsesi ju nuk duhet ta teproni me përdorimin e tij.
- Përdorni krem mbrojtës para dhe pas notit në pishinë. Kimikatet e ujit të pishinës bëjnë që lëkura juaj të thahet shumë, kështu që duhet të bëni kujdes dhe të mbroheni.
- Bëni dush menjëherë pas stërvitjes. Patjetër që pajisjet nëpër palestra përdoren nga disa persona, kështu që mos përtoni, bëni një dush pasi të keni mbaruar stërvitjen që të shmangni ndonjë sëmundje të mundshme të lëkurës suaj.
- shmangni dushet e nxehta. Dushet me ujë shumë të nxehtë mund të shkatërrojnë shtresën mbrojtëse të lëkurës suaj që ndihmon në zbutjen e shtresave të tjera të saj. /tesheshi.com/
