Nga Mensur Krasniqi
Qendra për gazetari hulumtuese Scoop ka bërë një hulumtim mbi pagat e ministrave në Maqedoni, ku është konstatuar se të ardhurat e tyre mujore kapin shifrën prej gjysmë milion euro, apo 6 milion euro në vit.
Ndër ministrat më të paguar në Maqedoni ka qenë ish-ministri i Brendshëm dhe z/ministri aktual, Mitko Çavkov i cili ka marrë një pagë bruto prej 41 958 denarësh, ndërsa çuditërisht, paga e ish-kryeministrit Nikolla Gruevski është më e vogël se e Cavkovit, pra 133,039 denarë.
Siç informojnë nga Scoop, edhe pse këto informata janë me karakter publik, atyre i’u është dashur 2 muaj të plota që të nxjerrin në meida shumën e pagave të ministrave.
“Në të gjithë rajonin pagat e ministrave dhe zyrtarëve në përgjithësi janë informacion publik që mund të gjenden në faqet e internetit të agjencive në luftën kundër korrupsionit apo komisionet për parandalimin e konfliktit të interesit.
Këtu tek ne u deshën dy muaj për të dëshmuar interesin publik tek institucionet dhe përmes ankesave për të ardhur në informacionin- sa na kushtojnë ministritë.”, shkruan Scoop. 
Për politikologun Xhenis Sulimani, pagat e majme të funksionarëve të lartë shtetërorë janë treguesi më i mirë i gjendjes politike në vend. Madje, sipas tij politikanët janë në gjendje të sakrifikojnë gjithçka për të mbajtur kolltuqet e tyre.
“Jo rastësisht ky sistem politik gjeneron funksionarë të përjetshëm, sepse pagat e mëdha joshin funksionarët që ata të mundohen me metoda makiaveliste të mbajnë pushtetin sa më gjatë. Dhe kështu funksionarët vazhdojnë me paga të majme ndërsa qytetarët varfërohen. Dhe, vazhdon politika e tyre “varfëro dhe sundo”, deklaroi për portalin tesheshi.com, Xhenis Sulimani.
Po ashtu, portali tesheshi.com ka marrë mendimin e disa qytetarëve për pagat e ministrave në Maqedoni. Ata vlerësojnë se këto shifra mbi 2 mijë euro rrogë mujore nuk përkojnë me gjendjen ekonomike të vendit tonë.
“Po si është e mundur një funksionar shtetëror të marr mbi 2 mijë euro duke e ditur që shteti jonë është shtet social dhe shumë i varfër me ekonomi. Kjo është katastrofë. Zoti e bëft hajr”, deklaroi për portalin tesheshi.com një qytetar.
Një tjetër qytetarë shprehet kështu: “ Nuk e di a janë normal kto a çka janë?.,alooo ka njerëz që vdesin për bukë, ka njerëz që nuk kanë kulm mbi kokë, infrastruktura askund, tanat këqijat e botës, ndërsa ministrat marrin shuma statosferike të pagave. Të paktën një pjesë të pagave të tyre të shkonte për të varfërit do ishte më e ndershme”.
