Presidenti i Republikës, Bujar Nishani, deklaroi se është i gatshëm të jetë ai moderator i një tryeze të madhe që do të sillte konsensusin mes mazhorancës dhe opozitës për reformën në drejtësi.
Në pritjen vjetore për Trupin Diplomatik, Nishani i bëri thirrje klasës politike që të punojnë për të gjetur gjuhën e përbashkët për reformën në drejtësi, në bazë të rekomandimeve të Komisionit të Venecias.
“Përfitoj nga rasti t’u bëj edhe një herë thirrje të gjitha palëve, politike dhe të shoqërisë civile, që me transparencën e nevojshme dhe duke i qëndruar besnikë angazhimit të parë për të përqafuar frymën dhe orientimet tashmë eksplicite të Komisionit të Venecias, të dakordësojnë sa më parë paketën ligjore.
Në këtë frymë konstruktive do të vazhdoj të mbështes plotësisht dhe të lehtësoj, nëse nevojitet, çdo përpjekje e angazhim”, tha Nishani.
/tesheshi.com/
