Vjen edhe përplasja direkte mes deputetëve të Bashkimit Demokratit për Integrim. Para disa minutave deputetja e BDI-së Ermira Mehmetit, ka fyer ashpër bashkëpartiakun e saj, Artan Grubin.
Ajo ka bërë të ditur se në BDI, nuk po bëhen reforma ashtu siç kishte pretenduar kryetari i kësaj partie Ali Ahmeti, së paku derisa në strukturën e kësaj partie radhiten siç thotë ajo: “huliganë që dinë të bëjnë vetëm huliganin dhe nxitësin e konflikteve, qoftë në stadium, apo të veshur me petkun e politikës”.
Sipas Mehmetit, te përjetshmit dhe dështaket që e kanë kapur BDI nga brenda kanë nisur fushatën për ta heshtur dhe për ta diskredituar. Në postimin e saj, deputetja e BDI-së shprehet se ‘qëllimi i tyre është që t’u shmangen reformave dhe të ndërtojnë një realitet të rrejshëm lidhur me BDI, por mbi të gjitha, qëllimi i tyre është e te ma rrënojnë kredibilitetin mua’./tesheshi.com/
