Ministrja për Dialog, Edita Tahiri, ka bërë të ditur se Austria ka aplikuar dje pranë Organizatës ndërkombëtare të telekomunikacionit (ITU) për kodin telefonik të Kosovës, në pajtim me marrëveshjen e Brukselit për telekomunikacionin.
Sipas një komunikate të Qeverisë, e cila citon Tahirin, thuhet se kodi telefonik i
Kosovës do të jetë 383 dhe marrja e kodit ndërkombëtar i mundëson Kosovës njohje dhe sovranitet ndërkombëtar në fushën e telekomunikacionit, që do të thotë se Kosova konsolidon identitetin e vet shtetëror në fushën e telekomunikimeve.
Sipas Planit për zbatim, ITU do t’ia alokojë kodin telefonik Kosovës në pjesën e parë të muajit mars 2016.
Kodi i ri unik 383 i Kosovës do të përdoret në tërë territorin e vendit dhe nga të gjithë operatorët e telefonisë mobile dhe fikse./tesheshi.com/
