Futbollisti belg vazhdon “agjërimin” e golave edhe pas 27 ndeshjeve të zhvilluara që nga 3 maji i këtij viti, kohë kur realizoi golin e fundit. Mirëpo, që nga ajo periudhë e deri më tani kanë ndodhur shumë gjëra me rëndësi në botën e futbollit dhe jashtë saj. “tesheshi.com”, përcjell disa të tilla:
Chelsea zhvendoset nga vendi parë në të 16-tin
Blutë e Londrës kanë dorëzuar herët kurorën e më të mirit në ishull këtë edicion. Që nga humbja në udhëtim tek Manchester City (3-0), më asgjë nuk shkoi mbarë për Eden Hazardin dhe gjithë skuadrën.
Neymar zgjidhet për herë të parë lojtari i muajit, që nga koha kur ka zbarkuar në Camp Nou
Braziliani përfundon në podiumin e më të miri në muajin nëntor në kampionatin spanjoll. Sulmuesi 23 vjeçar, kishte realizuar katër gola dhe po aq asiste, për tu zgjedhur për herë të parë lojtari i muajit që nga viti 2013, kur edhe ishte transferuar tek Barcelona.
Irlanda miraton ligjin për martesa të të njëjtës gjini
Irlanda ka kaluar peticionin e nënshkruar nga 1,201,607 vota, nga 734,300, 62.1%, i thanë “po” martesës së të njëjtës gjini.
207 lojtarë kanë realizuar të paktën një gol në Premier Ligë
Me mbi 207 lojtarë, kanë realizuar të paktën një gol në Premier Ligë, që nga koha kur belgu kishte realizuar golin e fundit.
Gjendet ujë në planetin Mars
Në fillim të muajit shtator, NASA ka konfirmuar se ka gjetur ujë në planetin Mars, pas një hulumtimi të bërë disa vjeçar.
Uellsi, Irlanda e Veriut, Islanda, Slovakia dhe Shqipëria do marrin pjesë për herë të parë në një kampionat europian
Asnjëherë më parë këto përfaqësuese nuk kishin arritur të marrin pjesë në një kompeticion zyrtar.
Jamie Vardy realizon 11 gola radhazi në Premier Ligë
Sulmuesi i Leicester Cityt, tejkalon legjendën holandeze Ruud van Nisterlooy.
Barcelona fiton pesë tituj
La Liga, Champions Liga, Kupa e Mbretit, Super Kupa e Europës dhe Botërori i klubeve, përfundojnë në sirtarin e klubit blaugrana.
Regjistrohet stuhia më e madhe ndonjëherë që ka goditur në hemisferën perëndimore në Amerikë
Stuhia e quajtur Patrica, ka goditur Meksikën dhe Teksasin me një shpejtësi prej 200mph.
Belgjika për herë të parë në histori, renditet në pozitën e parë në FIFA
Suksesi që e përcolli kombëtaren belge gjatë eliminatoreve për kampionatin europian të vitit 2016, e ka sjellë përfaqësuesen e Hazardit në pozitën e parë të ranklistës së FIFA-s.
Sepp Blatter dhe Michel Platini suspendohen për tetë vite
Blatter dhe Platini nuk do të kenë të drejtë të merren me aktivitete sportive për 8 vitet e ardhshme, pas suspendimit nga Komisioni i Pavarur i Etikës.
Messi, Suarez dhe Neymar realizojnë 134 gola së bashku në vitin 2015
Treshja sulmuese e Barcelonës, ka qenë një uragan i tmerrshëm për portat rivale gjatë këtij edicioni.
Rooney është bërë golashënuesi më i mirë në histori të përfaqësueses angleze
Futbollisti i Manchester United, ka tejkaluar në ranklistën e golashënuesve, legjendën Sir Bobby Charlton sa i përket golave të realizuar në përfaqësuesen albione.
Jose Mourinho shkarkohet sërish nga Chelsea
Portugezi mbyll sërish një aventurë tek blutë e Londrës, deri sa pas lë futbollistët e tij me marrëdhënie të tensionuara sidomos me yllin belg, që nuk ka regjistruar ende asnjë gol që nga 3 maji i këtij viti./tesheshi.com/
