Kishte shkuar për ta ndjekur ndeshjen e Superkupës së Spanjës ndërmjet Barcelonës dhe Athletic Bilbaos me foshnjën e tij 10- muajshe dhe u detyrua të paguante biletë edhe për të. Kështu tifozi azulgranas Roso Castellsagues, ka denoncuar këtë absurditet, siç e quan ai, tek drejtuesit e komunitetit të tifozëve në mënyrë që të ndërhyjnë në politikat e klubit katalanas.
Pasi kishte paguar gjashtë bileta së bashku me familjarët e tjerë, Roso Castellsagues është dashur të bëjë gati edhe 54 euro për të paguar biletën për foshnjën e tij 10-muajshe e cila as që e “vriste” mendjen se çfarë po ndodhte në stadium, e jo më të ndiqte një ndeshje futbolli.
Kështu tifozi blaugrans është revoltuar me sigurimin e stadiumit Camp Nou dhe ka kërkuar llogari nga krerët që udhëheqin tifozët blaugranas për të ndërhyrë në politikat e klubit të cilat duken absurde në lidhje me shitjen e biletave edhe për foshnjet. /tesheshi.com/
