Kreu i diplomacisë amerikane, John Kerry, ndodhet sot në Moskë për një raund bisedimesh me krerët e Kremlinit, ku posaçërisht do të bisedohet mbi konfliktin në Siri dhe mënyrat e zgjidhjes.
Dihet që Uashingtoni dhe Moska nuk janë në të njëjtën linjë mendimi lidhur sidomos me rolin e presidentit Esed për të shkuar tek paqja. Amerikanët duan largimin e tij, por rusët luajnë me kartën “demokratike” të popullit qe vendos vetë me votë se kush do ta udhëheqi.
Raportet janë acaruar pas nisjes së bombardimeve nga ana e Rusisë mbi Siri, ku Moska pretendon se po godet ISIS-in. Ndërsa Uashingtoni pretendon se po goditen vetëm grupet e moderuara që luftojnë kundër Esedit. /tesheshi.com/
