Pak më shumë se një vit më parë, në Kosovë pati një valë arrestimesh të disa klerikëve, por dhe bllokim aktiviteti të disa organizmave, me dyshimin për përçim të frymës radikale.
Ndër to ishte AKEA, Asociacioni për Kulturë Edukim dhe Arsim, që ka vendosur ta zgjidhë ligjërisht çështjen e mbylljes së saj prej autoriteteve shtetërore.
Më konkretisht, ishte Ministria e Administratës Publike ajo që vitin e kaluar pezulloi punën e AKEA-s.
Me 18 nëntor 2014, AKEA përgatit një padi kundër vendimit të këtij institucioni. Por, edhe pse ka kaluar një vit, në Ministrinë e Administratës Publike thuhet se nuk janë në dijeni se u paditën nga AKEA lidhur me këtë vendim.
Sakaq, Gazeta Fjala në Kosovë e cila është marrë me investigimin e rastit, ka siguruar padinë e cila është e protokolluar nga Gjykata Themelore e Prishtinës me datën 20 nëntor 2014.
AKEA vijon të jetë në pritje për ta zgjidhur ligjwrisht rastin e saj. /tesheshi.com/
