Wolfgang Munchau, editorialisti i Financial Times, që mbahet edhe një nga guru-të e opinionbërjes së botës financiare brenda BE-së, ka deklaruar sot për të përditshmen italiane La Repubblica se Lëvizja 5 Yjet që ka propozuar një referendum për daljen nga euro, nuk di “se çfarë katastrofe e pret Italinë dhe Europën nëse kjo ndodh”.
Në një intervistë për La Repubblica-n, Munchau thekson se nëse hapet një referendum për euron, atëherë brenda një minute do të të ndodhë katastrofa financiare në Europë duke përmbytur të gjithë tregun.
“Nëse duan të dalin nga euro, ok por në radhë të parë do të duhet të kenë gati strategjinë e daljes, pasojat, strategjinë e zëvendësimit dhe rikuperimin me një plan konkret. Një i tillë nuk ekziston. Është demagogji. E mbani mend Tsiprasin që thoshtë që do t’i kthehej dhrahmisë? Pse nuk e bëri?!” deklaron një nga medimtarët më të njohur të gazetarisë dhe opinionbërjes së botës së financës europiane. /tesheshi.com/
