Nuk ka rëndësi nëse jeni një përdorues i ri, apo i vjetër i Androidit, këto pesë shkurtesa do t’ju ndihmojnë të kurseni kohë.
Hiqni kyçjen e ekranit (kur keni siguri)
Ky tipar në meny do t’i tregojë pajisjes suaj kur është e sigurt të rrijë e shkyçur. Pasi të shtoni disa vende të besueshme, pajisje apo zëra, ju mund ta anashkaloni Pin-in, fjalëkalimin apo çfarëdo kyçje të ekranit sa herë doni të kontrolloni një njoftim.
Refuzo telefonatat me anë të një teksti
Kthejeni telefonin tuaj në një sekretari personale duke i vënë në dijeni telefonuesit pse nuk mund të përgjigjeni, me shpresë se nuk do t’ju marrin prapë. Në shumicën e telefonave android ky opsion ndodhet në Settings > Call blocking, Quick responses, a diçka të ngjashme. Mund ta shikoni mesazhin për refuzimin e telefonatave dhe mund ta redaktoni sipas dëshirës.
Hapja e shpejtë e kamerës
Hapja e kamerës shpejt në momente të veçanta është mjaft e rëndësishme në mënyrë që të mos humbisni raste të arta për foto të bukura. Mënyra e hapjes së kamerës në mënyrë të shpejtë varet nga prodhuesit e ndryshëm, por këtu keni disa shembuj nga pajisjet më të përdorura:
Nexus 5X ose Nexus 6P: shtypni dy herë butonin e ndezjes.
Pajisjet Samsung të prodhuara në 2015-2016: shtypni dy herë butonin e mesit (home button).
LG V10: shtypni dy herë butonin për uljen e zërit.
Moto G 2015: rrotulloni kyçin tuaj me pajisjen në dorë.
Shtoni kontaktet me anë të widgets
Doni t’i keni kontaktet tuaja të preferuara vetëm një prekje larg? Mbani të shtypur ekranin (homes screen), zgjidhni widget, e më pas Contacts 1×1. Me anë të kësaj shkurtese në ekranin tuja ju mund të shikoni detajet e kontaktit, t’i dërgoni mesazhe, emaile etj, pa qenë nevoja të kërkoni midis kontakteve të shumtë.
Aktivizoni “OK, Google” kudo që ndodheni
Për të aktivizuar këtë opsion hapni aplikacionin e Google (kërkimin), shkoni te Settings > Voice > “Ok google” Detection > zgjidhni opsionin From Any Screen. Thuajeni tre herë këtë fjalë magjike dhe u bë. Ky opsion mund të përdoret edhe kur telefoni juaj është i kyçur. /tesheshi.com/
