Me siguri i keni vënë re këto pako në këpucët e reja apo te çantat që keni blerë. Nëse më parë i keni hedhur, mos e përsërisni më këtë gabim sepse përdorimet e shumta që ato kanë do t’iu bëjnë ta mendoni dy herë këtë gjë në të ardhmen.
Pakot e silicës janë ideale për tu përdorur në shtëpinë tuaj në vendet ku mund të ketë lagështirë. Këto pako thithin ujin dhe i mbajnë produktet tona të thata dhe të freskëta. Përveç kësaj ato kryejnë dhe shumë funksione të tjera.
1.Shërbejnë për përthithjen e lagështirës në telefon
Mund t’iu ketë ndodhur t’iu laget telefoni në plazh, apo t’iu ketë rënë uji mbi telefon dhe nuk keni mundur t’i jepni zgjidhje. Epo tashmë ne e kemi zgjidhjen për të gjithë. Fillimisht hiqni baterinë dhe kartën e memories dhe vendoseni celularin në një qese mbushur me këto pako. Telefoni juaj do të jetë sërisht si më parë.
2.Rrobat e banjës tani nuk do të qëndrojnë më të lagura
Ndonjëherë kur shkojmë me pushime në plazh ndodh që rrobat e banjës të jenë ende të njoma. Vendosini ato në një qese të veçantë së bashku me pakot e silicës që të heqin disi lagështirën.
3.Ruajnë bizhuteritë nga nxirrja
Për të ruajtur shkëlqimin e bizhuterive si në ditën e parë vendosni në kutitë e tyre këto pako. Lagështira shkakton nxirrjen por duke ditur përdorimin e xhelit të silicës pamja e tyre do të jetë si të ishin të reja .
4.Largon aromat e këqija nga dollapi
Ndonjëherë rrobat marrin një aromë jo të këndshme kur qëndrojnë për një kohë të gjatë të mbyllura në dollap. Ama këto pako do t’i ruajnë rrobat tuaja të freskëta.
5.Mbrojnë dritaret nga lagështira
Në ditët e ftohta të dimrit, dritaret në shtëpinë tuaj janë të predispozuara për të marrë lagështirë. Përdorini këto pako për të zgjidhur këtë problem në shtëpinë tuaj./tesheshi.com/
