Arsyet e hollimit të flokëve janë nga më të shumtat, duke nisur nga stresi, shtatzënia tek femrat, mënyra e gabuar e të ushqyerit etj. Masat parandaluese që mund të merrni janë nga më të shumtat, por më poshtë po ju rendisim vetëm 5 prej tyre, të cilat janë ndër më të thjeshtat dhe që mund të realizohen më lehtësisht nga ju.
- Harrojini flokët bisht
Tërheqja e vazhdueshme e flokëve tuaj në një bisht të lartë, bën që flokët të lodhen dhe të shkaktohen probleme me rënien e tyre. Lërini të lirë flokët nëse doni që të mos dobësohen.
- Hani më shumë proteina
Të rrisni sasinë e proteinave në dietën tuaj mund të ndihmojë nëse keni probleme me flokët. Pak mish ose peshk çdo ditë është mjaftueshëm për të mos pasur asnjë problem me flokët.
- Kontrolloni tiroiden
Tiroidet mund të shkaktojnë hollim të flokut dhe kjo gjë është e zakonshme te femrat pas menopauzës. Tiroidja i bën flokët të hollë e të thatë, gjithashtu dobëson edhe thonjtë. Probleme të tjera që sjell janë edhe shtimi në peshë dhe lodhja e shpejtë.
- Rrisni hekurin
Periodat, dieta e rreptë dhe ushtrimet e shumta bëjnë që të keni mungesë hekuri në organizëm dhe kjo mungesë hekuri është një nga shkaqet më të zakonshme të hollimit të flokut te vajzat e reja.
- Ndiqni një stil jete të shëndetshëm
Flokët janë një tregues i mirë i shëndetit tuaj, dietës që ndiqni dhe mirëqenies. Njerëzit që ushqehen në “fast food”, nuk bëjnë ushtrime, pinë alkool dhe tymosin duhan, nuk kanë flokë të mirë në përgjithësi./tesheshi.com/
