Muaji i mjaltit i Mike dhe Anne Howard është ndoshta muaji i mjaltit më i gjatë në të gjithë historinë e njerëzimit. Në vitin 2011 ky çift amerikan vendosën të vizitojnë 50 vende të botës deri më sot. Buxheti i tyre ishte i kufizuar, kështu që vendosën të shpenzonin 12 euro në ditë për person. Ja këshillat e tyre se si të udhëtoni me sa më pak buxhet:
- Mblidhni një shumë paraprake për udhëtimin
Mundësia për të udhëtuar mund të dalë nga dita në ditë dhe duhet të jeni të përgatitur përgatitur. Filloni që sot të hiqni mënjanë 5 euro çdo ditë.
- Merreni me terezi
Në listën tuaj mund të jenë aq shumë vende që dëshironi të udhëtoni dhe të shkuarit pas tërheqjeve turistike do t’ju bëjë të humbisni kohë dhe para. Të udhëtosh me ankthin për të hequr një vizë emrave të listuara nuk është argëtuese. Për të kuptuar realitetin dhe kulturën e një vendi ju duhet të paktën një javë. Kështu që merrni tren ose autobus edhe për të kursyer, por dhe për të vëzhguar peisazhe e për të njohur më shumë njerëz.
- Harrojini prenotimet e hoteleve
Mos planifikoni asgjë përpara kompjuterit të shtëpisë. Kur të shkoni në një vend do të shikoni se oferat që ofrojnë janë më shumë të leverdisshme se ato që postohen në internet.
- Provoni ‘house-sitting’
Do të thotë të qendrosh në një shtëpi për një kohë të shkurtër duke u kujdesur për punët si kopshtari, riparime, pastrim etj. Pra, qendrimin e paguan kundrejt një shërbimi. Është shumë mënyrë e mirë për të njohur zonën dhe vendasit.
- Harrojini bidonat e ujit
Shishet plastike të ujit jo vetëm që nuk janë higjenike por dhe mund të bëjnë të harxhoni shumë. Në disa vende shiten deri në 2 euro shishja kështu që merrni një termus apo dhe një filtrues uji. Në mungesë të ujit të pijshëm për ta mbushur termusin mund të përdorni uji rubineti. Kështu do të kurseni sa nuk e imagjinoni. /tesheshi.com/
