Fëmijët lindin me lëkurë të butë dhe të ndjeshme. Me kalimin e ditëve apo javëve mund t’u shfaqen disa njolla apo nishane të kuqe të cilat në 88% të rasteve nuk janë të rrezikshme. Për të kuptuar më mirë rreth këtyre nishaneve lexoni këto pesë fakte për to.
- Nga dallohen nishanet e lindur dhe ato të përkohshme?
Nishanet e lindura dallohen tek foshnja që kur lind ndërsa të përkohshmet dalin më vonë dhe zhduken me kalimin e viteve.
- Sa mund të zmadhohen?
Rritja e nishanit zgjat nga 3 deri në 6 muaj dhe mund të qëndrojë në trupin e fëmijës edhe deri në moshën 6-7 vjeç.
- Si duhet vepruar nëse ndodh hemorragji?
Menjëherë duhet vizituar dhe në rastin më të rëndë duhet bërë ndërhyrje kirurgjikale.
- Shenjat estetike mund të jenë të përkohshme, por dhe mund të përmirësohen
Në pjesën më të madhe të rasteve, me rritjen këto nishane zhduken fare dhe nuk lënë asnjë shenjë. Në raste të tjera mund të lënë njolla të cilat mund të korrigjohen me teknika të ndryshme, por sa më shpejt të ndërhyhet aq më mirë.
- Kur ka rrezik për shëndetin?
Kur shfaqen në zona delikate si pjesa e buzëve, e syrit apo në organet gjenitale. Nëse shfaqen në sy shkaktojnë atë fenomen që quhet “syri dembel”, i cili patjetër duhet kuruar. /tesheshi.com/
