Kërkonin të mbërrinin në ishullin Lesbo në bordin e një varke. Mes tyre kanë qenë edhe nëntë persona të tjerë, të cilët kanë arritur të shpëtojnë. Gjatë muajve të parë të vitit 2016 kanë ndërruar jetën 350 persona në tentativë për të mbërritur në Europë përmes varkave.
Mes 5 emigrantëve që janë mbytur në bregun jugperëndimor të Turqisë, ndërsa kërkonin të arrinin ishullin Lesbo duke kaluar me varkë detin Egje, mëngjesin e 10 marsit, ka qenë edhe një i sapolindur.
Lajmi është bërë i ditur nga agjencia për shtyp Dogan, sipas së cilës mësohet se roja bregdetare turke ka arritur të shpëtojnë nëntë persona të tjerë, të cilët udhëtonin me të njëjtin grup emigrantësh që u mbytën, me origjinë nga Afganistani dhe Irani. Barka është fundosur në një largësi prej 500 metrash nga gjiri Ayvacik në Canakkale.
Një prej viktimave është një emigrant i cili kishte arritur në breg të detit, por ndërroi jetë gjatë tentativave për ta sjellë në jetë. Tre nga të mbijetuarit u transportuan në spital, në gjendje të rëndë shëndetësore, për shkak të dehidratimit. /tesheshi.com/
