“I thoni ‘jo’ shantazheve dhe ultimatumit. Të votosh ‘jo’ në referendum nuk do të thotë të dalësh nga Europa, por të kërkosh një marrëveshje më të mirë në të ardhmen”,- ka thënë kryeministri grek Alexis Tsipras, kur na ndajnë vetëm 48 orë nga referendumi i ditës së diel në Greqi.
Kryeministri Tsipras ka dalë në një deklaratë për mediat greke dhe ka ftuar popullin të mbështesë pozicionin e qeverisë.
“Ju kërkoj t’i thoni ‘jo’ kushteve të kreditorëve dhe atyre që kërkojnë të përhapin panik”,- është shprehur Tsipras.
Ai tha se raporti i Fondit Monetar Ndërkombëtar justifikon zgjedhjen e Athinës për të mos pranuar një marrëveshje që injoron temën kryesore të borxhit. /tesheshi.com/
