809.637 qytetarë, apo 43,82% e votuesve me të drejtë vote kanë votuar në zgjedhjet lokale në Kosovë të cilat janë mbyllur pa ndonjë incident që do të prishte këtë proces.
Valdete Daka, kryetarja e KQZ-së në konferencën e orës 19:00 ka thënë se në bazë të dhënave nga qendrat e votimit nga të gjitha komunat janë mbyll me kohë dhe pa ndonjë incident të theksuar.
Daka me tutje ka falënderuar qytetarët për zgjedhjet dhe kulturën e lartë demokratike të treguar sot.
5 të arrestuar…
Ndërsa Prokurori i Shtetit njofton se deri në ora 19:00 në tërë territorin e vendit janë raportuar tri raste me pesë persona të ndaluar, lidhur me procesin zgjedhor.
Sipas Prokurorisë dy persona janë ndaluar si të dyshuar për kryerje të veprës penale dhënia ose marrja e ryshfetit në lidhje me votimin, ndërsa, një person është ndaluar me dyshimin për kryerje të veprës penale asgjësimi i dokumenteve të votimit.
“Dy persona tjerë janë ndaluar si të dyshuar për kryerje të veprave penale keqpërdorimi i detyrës zyrtare gjatë zgjedhjeve dhe keqpërdorimi i drejtës së votimit.
Dy të ndaluarit e parë janë nga Komuna e Parteshit, i ndaluari i tretë është nga Komuna e Mitrovicë së Jugut, ndërsa dy të fundit nga Komuna e Mamushës. Gjashtë personat e ndaluar në Mitrovicë të Jugut, të dyshuar se kanë kryer veprën penale asgjësimi i dokumenteve të votimit, me vendim të prokurorit janë liruar në procedurë të rregullt”, njofton Prokurori.
Kujtojmë se në gjithë Kosovën kanë qenë 899 qendra votimi, ku 1 milion e 890 mijë e 952 persona me të drejt vote kanë pasur mundësi të zgjedhin përfaqësuesit e tyre lokal.
Disa nga parregullësitë e evidentuara…
Ndër parregullsitë më të mëdha që e kanë përcjellë procesin zgjedhor të dielën sipas rrjetit të organizatave joqeveritare, Demokracia në Veprim (DnV) janë janë tentimet për votim të shumëfishtë dhe votimet familjare, për çka janë evidentuar mbi 3060 raste, pastaj mospërputhja e numrit të fletëvotimeve për kryetar të komunave dhe fletëvotimeve për kandidatë të komune, mungesa e vulave etj, tentimet për të votuar më shumë se një herë (votimi i dyfishtë), vështirësi të votuesve për t’a gjetur emrin në listë, fotografim i votës etj. /tesheshi.com/
