I ndjeri Muhammed Ali do të vizitonte në vitin 1976 Stambollin, i ftuar nga Nexhmettin Erbakani, asokohe kryetar i Milli Selamet Partisi-së, Partisë së Shpëtimit Kombëtar.
Në tetor të atij viti, Muhammed Ali do të pritej në aeroportin e Stambollit nga mijëra njerëz, për t’u drejtuar së bashku me Nexhmettin Erbakanin drejt qendrës së qytetit, ku do të falnin së bashku namazin e xhumasë në Xhaminë Sulltanahmet.
I famshëm si boksier, ai do të bëhej i dëgjuar dhe për fenë e zgjedhur prej tij në 1964-ën. Islami do
të ishte bashkëshoqërues i Muhammed Aliut gjatë tërë jetës së tij të mëvonshme, për çka do të pritej në mënyrë madhështore dhe në Stamboll.
Vizita e tij do të zgjaste 24 orë, e gjatë kësaj kohe ai do të vizitonte dhe Topkapënë.
Të veçanta do të qenë fjalët e tij për takimin e përzemërt, vëllazëror, me Nexhmettin Erbakanin. “Për herë të parë më përqafoi një udhëheqës i bardhë,” do të thoshte i madhi Muhammed Ali.
Nga takimi i tyre kanë mbetur vetëm fotografitë: Muhammed Ali ndërroi jetë tre ditë më parë, Nexhmettin Erbakani është përcjellë në botën tjetër pesë vite të shkuara, në shkurt të 2011-tës. /tesheshi.com/
