40 vite më parë doli në treg Apple I: ja çfarë ishte (foto)

Ishte një motherboard i thjeshtë. U realizuan 200 dhe u shitën rreth 175 prej tyre. Kushtonte 666,66 dollarë ndërsa tani koleksionistët paguajnë shifra marramendëse për të pasur në dorën e tyre qoftë edhe një të tillë. Është Apple I, produkti i cili erdhi në treg 40 vite më parë, duke shënuar kështu nisjen e një kompanie që më pas do të bënte historinë në tregun e teknologjisë.

Ishte i pari i një serie të gjatë të kompiuterëve komercialë të krijuar nga Cupertino, i cili disa muaj më parë festoi 40-vjetorin e tij në treg. Më 1 prill 1976 Steve Jobs, Steve Wozniak e Ronald Wayne, themeluan këtë kompani me seli në një garazh të Los Altos në Kaliforni.

I konceptuar dhe projektuar nga Steve Wozniak, Apple I u prezantua në prill të citit 1976 në Homebreë Computer Club të Palo Altos dhe nisi të futej në treg në korrik të të njëjtit vit deri në gusht të vitit 1977.

Motherboardi ishte shumë i thjeshtë. Ai përmbante vetëm 30 chipa dhe programohej përmes një tastiere alfanumerike, e cila tregonte rezultatet në një ekran videoje. Për fat të mirë kanë arritur të mbijetojnë rreth 30-50 copë të tilla të kompjuterit Apple I, të cilat janë në gjendje shumë të mirë dhe vlera e tyre vijon të rritet. /tesheshi.com/