Është e natyrshme që mund të josheni për të shkulur qimet e rastësishme që shihni në trupin tuaj. Por ju duhet të mendoheni dy herë para se të shkulni qimet, pasi kjo jo vetëm që mund të çojë në inflamacion, por edhe në probleme më të mëdha me shëndetin. Sipas dermatologes Dr Chandan Jaiswal, ju nuk duhet të shkulni qimet nga disa prej këtyre zonave në trupin tuaj.
- Gjoksi juaj:
Piskatorja mund të shkaktojë trauma në lëkurën tuaj në përpjekje për të shkulur qimet që dalin afër kokës së gjoksit. Kjo mund të çojë në një infeksion. Nëse ju doni që ta këpusni një qime bëjeni të paktën 2 milimetra larg nga rrënja. Megjithatë, është më mirë që t’i shkurtoni qimet dhe të mos i shkulni, në asnjë mënyrë.
- Vetullat:
Ato janë në një zonë shumë të ndjeshme dhe tërheqjet e përsëritura mund të shkaktojnë shumë dëme në gjëndrat e qimeve, transmeton shije.al. Është më mirë që të merrni këshilla nga një estetiste për mënyrën se si duhet t’i hiqni qimet në vetull, për të shmangur gabimet që mund të bëni me to.
- Nishanet tuaja:
Një qime e dalë nga një nishan është shumë e zakonshme dhe ju mund të dëshironi që ta shkulni. Por kjo jo vetëm që mund të shkaktojë inflamacion, por edhe një infeksion të mundshëm.
- Një qime brenda në lëkurë:
Një qime që ka hyrë në lëkurë rrit rrezikun e një infeksioni. Nëse jeni të shqetësuar shumë për qimet që ju hyjnë në lëkurë, ju thjesht mund të shihni një dermatolog për të kërkuar ndihmë. Ekspertët mund t’ju tregojnë se si të shmangni dhe të trajtoni qimet që kanë tendencë të rriten brenda lëkurës./tesheshi.com/
