Shenjat në fytyrë krijohen si pasojë e djegieve, puçrrave apo akneve, të cilat ndodhen në sipërfaqe të lëkurës. Fatkeqësisht ato i bëjnë shpesh njerëzit të ndihen keq sa i takon mënyrës se si duken tek të tjerët, pasi ndodhen në pjesën më të dukshme të trupit. Nëse këto shenja janë tepër të bezdisshme, mund t’i bëjnë njerëzit të kenë shumë pak vetëbesim.
Fatmirësisht ka disa trajtime natyrale, të cilat mund të reduktojnë apo të eliminojnë tërësisht këto shenja.
Trajtimi me aloe vera
Hiqni pjesën e jashtme të aloes pasi do t’ju duhet materiali prej xheli që përmban bima. Aplikojeni atë në fytyrë dhe masazhojeni lehtësisht duke e rrotulluar dorën në formë rrethi. Përsëriteni këtë procedurë dy herë në ditë. Aloe është një produkt anti inflamator dhe ka vlera anti bakteriale, çka e bëjnë atë një locion të përsosur kundër shenjave.
Trajtimi me vaj ulliri
Procedura është shumë e thjeshtë. Nëse keni vajë ulliri ekstra të virgjër në kuzhinë, atëherë përdoreni për të masazhuar lëkurën e fytyrës. Pasi të keni përfunduar me masazhin, hiqni vajin nga fytyra nëpërmjet pastrimit me një rrobë. Përsëriteni këtë procedurë sa herë të mundni për të pasur rezultate të mira. Vaji i ullirit është i pasur me vitaminë E dhe mund të pastrojë lëkurën, duke e lënë atë të butë.
Trajtimi me mjaltë
Aplikoni mjaltin në fytyrë dhe lëreni të veprojë gjatë gjithë natës. Mëngjesin e ardhshëm lajeni me ujë të ngrohtë. Përsëriteni këtë procedurë çdo ditë përpara se të shkoni në shtrat për të fjetur. Gjithashtu mund të kristalizoni sheqer tek mjalti dhe ta masazhoni lëkurën për disa minuta. Më pas lajeni fytyrën me ujë të ngrohtë dhe vendosni një krem hidratues. Përsëriteni këtë trajtim një ose dy herë në javë. Mjalti pastron lëkurën dhe e regjeneron atë.
Uthull molle ose musht molle
Lagni një copë pambuku me uthullën e mollës ose me musht molle nëse keni dhe aplikojeni në vendin ku keni shenjat në fytyrë. Lëreni të veprojë për minuta dhe më pas pastrojeni me ujë. Rekomandohet të aplikoni një krem për fytyrën pas këtij trajtimi. Përsëriteni këtë procedurë çdo ditë për të paktën dy javë./tesheshi.com/
