Ish-kryetari i Lipjanit, Shukri Buja është shpallur fajtor për veprën penale mosraportim ose raportim i rremë i pasurisë.
Me këtë rast ai, është dënuar me gjobë prej 2000 euro dhe dënim me katër muaj burgim me kusht i cili nuk do të ekzekutohet në periudhën 1-vjeçare nëse i pandehuri nuk kryen ndonjë vepër tjetër penale.
Buja është shprehur se ky vendim ka qenë ndërhyrje politike, dhe një zvarritje prej 1 vit e tetë muaj, dhe kjo sipas tij ka ndodhur pasi që gjyqtarja ka shtyrë seancat me arsyetime banale. /tesheshi.com/
