SHBA-të shënojnë ditën e tyre të madhe. Plot me flamuj e fishkezjarre, ata kujtojnë lindjen e asaj që sot është superfuqia botërore ekonomike dhe ushtarake. Pas paradës së Pavarësisë që do të mbahet në kryeqytetin e SHBA-ve, Presidenti Donald Trump do të mbajë një fjalim në Memorialin e Linkolnit, memorial ky më i vlerësuari që ktheu historinë.
Ai ishte memoriali që i shërbeu lidershipit gjatë Luftës Civile dhe luftës kundër skllavërisë.
Por vëmendja e festimeve shpesh bie larg nga ajo që është historia në të vërtetë. Për të kuptuar këtë më mirë, mjafton të lexojmë fjalimin e famshëm të Frederick Douglass, i cili mbante titullin “Çfarë është 4 Korriku për skllevërit?”
Ky fjalim u mbajt së pari në kohën kur vendi ishte i mbyllur në një debat për skllavërinë, por megjithatë ka një arsye pse është aq i aktualizuar edhe pas 150 vitesh emancipim.
Për shumicën, festimet e pavarësisë së SHBA-ve janë një përkujtues i hipokrizisë shtetërore mbi themelin e lirisë, për shkak se skllavëria kishte ende mjaft hapësirë në vend.
Edhe sot, historia e racizmit në Amerikë vazhdon të shkruhet me intensitet, ndërsa format tjera të skllavërisë moderne mbesin si në SHBA, ashtu edhe në botë.
Për ata që duan të festojnë, 5 korriku është shumë më i përshtatshëm për t’iu gëzuar. Po me këtë datë, në vitin 1827, 4,000 skllevër afrikanë marshuan në rrugët e Broadway.
Njësoj bëri edhe Douglass, pionieri i famshëm kundër skllavërisë, i cili kishte lindur në këso rrethanash.
Kur ai u ftua të mbajë një fjalim për 4 Korrikun, ai nuk foli për Pavarësinë e vendit, por për çlirimin e skllevërve qe ndodhi me 5 korrik.
Fjalimi i tij ende bën histori:
“Çfarë kemi të bëjmë unë, ose ata që unë i përfaqësoj me pavarësinë e popullit tuaj?
A na përfshijnë neve parimet e lirisë politike dhe drejtësia njerëzore, siç ceket në Deklaratën e Pavarësisë? Po e them me mërzinë më të madhe se Pavarësia juaj është vetëm një hendek mes nesh…”
Fjalimi i tij vetëm sa dha paralajmërimin të keqes që ishte në prag: Luftës Civile.
Fjalimin e tij e shohin si aktual shumë që besojnë se shteti i tyre nuk e bën më të mirën që mundet.
Në fakt, ka shumë që besojnë se deklarata e pavarësisë është aq ëndërrimtare, sa që Amerika kurrë nuk do të mund ta përmbushë ashtu siç u mendua.
Sot, kur vendi merr kritika nga vet qytetarët për trajtimin jo njerëzot të atyre që duan të shkelin tokën amerikane, 4 Korriku nuk ngjan si festa tipike e politikave të shtetit. Parada me tanke dhe ekspozim të fuqive ushtarake, më shumë ngjan në një paradë të “pothuajse” mikut të Trump, Kim Jong Un.
Më tepër se fishekzjarret, sot marrin vëmendjet tanket, ato që sjellin sa frikë aq dhe fuqi. Ato janë taksa të përkthyera në fuqi, marrëveshje të përkthyera në mbrojtje.
4 Korriku mund t’u ngjaj në shumëçka, por liria që festohet në Washingon DC është e ngritur mbi eshtrat e atyre që u shkelën mbi bazë racore. /tesheshi.com/
