Është e kotë të përmendim se cilat janë sakrificat dhe shumat e mëdha që çdokush mund të bëjë e shpenzojë për të pasur një buzëqeshje të përsosur. Dhëmbët janë një pjesë e rëndësishme e bukurisë dhe shëndetit tonë, por a i dini se cilat janë disa sekrete për të pasur dhëmbë të bardhë si dëbora dhe një buzëqeshje të përsosur? Më poshtë po ju rendisim 4 elemente natyrale për të arritur rezultatet e kërkuara.
Shafrani i Indisë – Përdoret për të hequr shtresën e verdhë nga sipërfaqja e dhëmbëve. Në një lugë çaji hidhni pluhur shafrani dhe merrni pak me furçën e dhëmbëve e cila është e lagur, por pa pastë. Pastroni dhëmbët me atë dhe lëreni 3 deri në 5 minuta. Më pas lajini dhëmbët si zakonisht me pastë. Si një përbërës tërësisht organik, shafrani i Indisë është i sigurt për t’u përdorur çdo ditë. Rezultatet do të jenë të dukshme pas disa ditësh përdorimi. Shafran i Indisë mund të prishë furçën e dhëmbëve gjatë këtij procesi duke e ngjyrosur në mënyrë të pakthyeshme.
Vaji i kokosit, si një pastë ose një pije. Mjafton të lyeni furçën me vaj kokosi dhe të lani dhëmbët, ose të shpërlani gojën me një lugë gjellë vaj kokosi.
Sodë buke me lëng limoni – Në qoftë se ju e përzieni sodën me ujë mund ta lini për 3 minuta mbi sipërfaqen e dhëmbëve. Nëse e përzieni më lëng limoni nuk mund ta mbani në gojë për më shumë se 1 minutë.
Sodë buke, luleshtrydhe dhe kripë si pastrues për dhëmbët Ky pastrues mund të përdoret sipas dëshirës me ose pa sode buke. Shtypni deri në tre luleshtrydhe të mëdha dhe përziejini me një majë luge kripë (dhe 1/2 luge çaji sode buke, në qoftë se ju dëshironi), aplikojeni në dhëmbët tuaj dhe mund ta lini për pesë minuta dhe më pas shplajeni gojën. Ky pastrim rekomandohet në darkë. /tesheshi.com/
