Të recitosh një vjershë, të tregosh një fabul apo të lexosh një tregim me zë të lartë është një nga mënyrat më argëtuese për të kaluar kohë me fëmijët. Edhe pse ditëve të sotme jeta është shumë dinamike duhet gjetur dhe kushtuar kohë për leximin e përbashkët sepse është një ndër aktivitetet më edukuese.
- Së pari sepse fëmijët kënaqen
Fëmijët nën moshën një vjeç edhe pse nuk kuptojnë asgjë kënaqen me ritmin e vjershës apo këngës dhe shijojnë melodinë e zërit dhe ngjyrat e librit.
- Sepse edhe prindërit kënaqen.
Tashmë të kalosh kohë më fëmijën tënd është një luks dhe leximi të dhuron dhe luksin e një lidhje të ngushtë që nuk e përjeton dot kur fëmija është përballë televizorit apo duke luajtur me lodra.
- Sepse krijohen kujtime që do të mbeten gjatë në kohë
Nëse leximi praktikohet çdo ditë ose çdo mbrëmje para gjumit atëherë do të shndërrohet në një traditë apo në një ritual të cilin do ta kujtojë me kënaqësi.
- Mbi të gjitha sepse është një formë komunikimi reciprok
Mos harroni se nuk duhet që “t’u lexoni fëmijëve” por “të lexoni me fëmijët”! /tesheshi.com/
