Në një ndër numrat e parë të Rilindjes Demokratike në ‘91-shin, do dallonte dhe shpreja me thelb denoncues ndaj regjimit komunist: “Më mirë lopë në Zvicër se sa njeri në Shqipëri”. Njeriu që e tha ishte një profesor universitar: Ilia Lëng. Aso kohe, ai kishte udhëtuar në vendin parajsor në zemër të Europës dhe, i
mahnitur nga një standart i lartë jetese në harmoni me një natyrë të larme e të mirëmenaxhuar, krahasimisht me Shqipërinë shkalafitur prej komunizmit, do nxirrte dufin e vet metaforikisht me atë frazë lapidare.
Së fundi, lajm me profesor Ilia Lëngun ishte përpjekja e tij modeste që dhe Shqipëria t’i ngjajë sadopak Zvicrës, së paku në natyrë, meqë pretendohet se mund të jetë si Zvicra, së paku në natyrë.
Është kryebashkiaku i Tiranës Erion Veliaj që ka shpërndarë foto të atyre që i janë bashkuar një fushate mbjelljesh pyjore në Tiranë, duke shkruar: “Një pemë e mbjellë nga Profesor Ilia Lëngu i shtohet Tiranës, një shembull i bukur për një qytet më të gjelbër”. /tesheshi.com/
