Në disa lokacione të komunave në veri të Kosovës janë shfaqur postera me mbishkrimin “Ja ku jemi për Krishtlindje”, të zbukuruar me trengjyrën serbe. Këto postera janë parë në hyrje të ndërtesave, në pankarta, vitrina dhe fasada, duke tërhequr vëmendjen e popullatës vendase.
Sipas deklaratave të vendasve për portalin Kosova online, që në mëngjes herët në rrugë u pa prania e policëve me veshje civile, të cilët nisën të heqin afishet nga hapësirat publike.
Posterët kanë shkaktuar reagime të ndryshme në komunitet, ndërsa situata aktuale është edhe më e ndjeshme për shkak të tensioneve politike dhe të sigurisë në këtë zonë.
Nuk është kuptuar se kush i ka vënë dhe cili ka qenë mesazhi real për t’u përcjellë. /tesheshi.com/
Nuk dihet ende se kush është përgjegjës për vendosjen e posterave apo cili është mesazhi i tyre në kontekstin më të gjerë, por shfaqja e tyre vjen në prag të Krishtlindjeve, gjë që ngre pikëpyetje të mëtejshme për kuptimin simbolik të tyre.
