Prokuroria e Krimeve të Rënda i kërkoi sot gjykatës të thërrasë 38 dëshmitarë në gjyqin kundër Emiliano Shullazit dhe 4 të akuzuarve të tjerë.
Si dëshmitarë janë kërkuar dhe dy ish-ministra të qeverisë “Rama”, ish-ministri i Brendshëm, Saimir Tahiri, ish-ministrja e Arsimit, Lindita Nikolla, si dhe drejtori i Përgjithshëm i Policisë, Haki Çako. Po ashtu në listë janë dhe dy rektorë universiteti; Mynyr Koni e Dhori Kule.
Grupi i Shullazit akuzohet se krijnte përfitime përmes gjob-vënies ndaj personave të ndryshëm apo biznesmenëve. Mes akuzave është dhe ajo për kërcënimin e kandidatit për rektor Mynyr Koni dhe kanosjen e ish-rektorit, Dhori Kule.
Por dëshmia më e rëndësishme në këtë proces është ajo e dëshmitarit të mbrojtur, Ylvi Beqja, biznesmen i kërcënuar nga banda.
Prokurorja thotë se Shullazi ka krijuar grupin e strukturuar kriminal me pjesëmarrës në të Blerim Shullazin, Gilmando Dani, Endri Qyqa dhe Endri Zela./tesheshi.com/
