Kjo është substanca më e shtrenjtë në planet: a dini sa shtitet për gram?

Diamanti mund të jenë gjëja më e shtrenjtë në posedim, por rezulton se substanca më e shtrenjtë në botë nuk është ajo që do të mendonit.

Ari dhe diamantet mund të jenë gjëja e parë që ju vjen në mendje kur mendoni për substancat më të vlefshme, por në fakt është një substancë pluhur që tejkalon shumë çdo gjë tjetër. Ah, nuk është pluhuri i bardhë, “mielli” siç i thonë.

Kjo substancë të shitet për 140 milionë dollarë për gram.

E sigurt është që nuk e keni dëgjuar ndonjëherë, aq më tepër që nuk ka një emër të thjeshtë. Quhet “Fullerenet Endohedral të bazuar në atomet e azotit”(Nitrogen Atom-Based Endohedral Fullerenes).

Pse është kaq e shtrenjtë?

Arsyeja për këtë është se ky material mund të përdoret për të zhvilluar orë atomike shumë të vogla dhe jashtëzakonisht të sakta.

Orët atomike janë vendimtare për funksionimin e sistemit GPS, duke i bërë ato jashtëzakonisht të rëndësishme për navigimin.

Problemi aktual është se orët atomike janë mjaft të mëdha, sa një dhomë.

Megjithatë, përdorimi i “fulereneve endohedral me bazë atomet e azotit” mund t’i bëjë orët e sotme atomike të duken si kompjuterë të vjetër IBM pranë një smartphone-i modern. Kjo mund të ketë implikime të mëdha për mënyrën se si ne përdorim orët atomike, duke zgjeruar aplikimet e tyre përtej navigimit.

Një orë mjaft e vogël atomike mund të përdoret për të përcaktuar vendndodhjen e diçkaje, si dhe për të eliminuar “pikat e vdekura” të GPS duke pasur një orë atomike të integruar.

Kërkimi u zhvillua nga shkencëtarët e Oksfordit në kompaninë Designer Carbon Materials dhe ata besojnë se në të ardhmen edhe telefonat inteligjentë mund të kenë një orë atomike brenda.

Interesant është fakti se emri i materialit, veçanërisht pjesa “fullerene”, lidhet drejtpërdrejt me strukturën e tij.

Është një “kafaz” me atome karboni me një atom azoti brenda. Emri “fullerene” i referohet këtij “kafazi” dhe është një nderim për arkitektin dhe filozofin Richard Buckminster Fuller, i njohur për dizajnet e tij që shfaqin trekëndëshat karakteristikë të ndërthurur në një kube gjeodezike. /tesheshi.com/