Franca dhe Serbia nënshkruan 12 marrëveshje gjatë vizitës së presidentit francez Emmanuel Macron në Beograd, pavarësisht frikës se Parisi po mbështet në këtë mënyrë Beogradin, i cili mban marrëdhënie të ngushta me Moskën dhe Pekinin.
E gjithë kjo po ndodh ndërkohë që po vazhdojnë protestat e mëdha për shkak të synimit të qeverisë për të shfrytëzuar litiumin, shkruan portali brukseli Politico, transmeton Beta.
Ndër dokumentet e nënshkruara dje janë marrëveshjet për blerjen e 12 avionëve Rafale të prodhimit francez dhe për zhvillimin e një programi bërthamor civil për nevojat në rritje të Serbisë për energji, si dhe një marrëveshje për “shitjen e burimeve strategjike minerale si litiumi”.
Sipas kontratës me kompaninë Dassault Aviation, Serbia do të marrë avionët, paketën logjistike shoqëruese dhe pjesët e këmbimit me vlerë 2.7 miliardë euro.
Portali i Brukselit vlerëson se gjatë dekadës në pushtet, presidenti serb Aleksandar Vuçiç ka pasur marrëdhënie të ngushta me Moskën, veçanërisht me presidentin Vladimir Putin, i cili gjatë asaj kohe ka vizituar dy herë Serbinë.
Miqësia me Kinën
Politico thekson gjithashtu se Vuçiç ka marrëdhënie të ngushta me presidentin kinez Xi Jinping, i cili ishte në Serbi, ndërsa mediat shtetërore kineze e cilësojnë marrëdhënien mes dy vendeve si “miqësi të hekurt“, që është një term vetëm për vendet që Pekini “i vlerëson vërtet”.
Macron erdhi në Beograd pasi pati protesta të mëdha në Serbi kundër minierave të litiumit, të cilin BE-ja e mbështet, shkruan Politico.
Portali thekson se muajin e kaluar, gjatë vizitës së delegacionit të Bashkimit Evropian dhe kancelarit gjerman Olaf Scholz në Beograd, u nënshkrua një marrëveshje Serbi-BE që zyrtarizon mbështetjen e BE-së për minierën e litiumit me “një premtim se projekti do ta sjellë Serbinë më afër BE”.
Megjithatë, nënshkrimi i asaj marrëveshje e vuri Vuçiçin në pozitë të vështirë, vlerëson portali, sepse kundër minierës u nis një lëvizje masive, e cila pretendon se minierat e litiumit do ta dënojnë Serbinë me shfrytëzim ekonomik dhe ndotje të mjedisit dhe do t’i vendosin standardet perëndimore përtej mundësive të saj.
Si kundërpërgjigje, Vuçiç akuzoi protestuesit se planifikojnë ta rrëzojnë nga pushteti me mbështetjen e Perëndimit, shkruan Politico.
Bllokada e votës për Kosovën
Qeveria, e udhëhequr nga Partia Progresive Serbe dhe aleatët e saj politikë, u përpoq të mbyste pakënaqësinë e protestuesve me sulmet ndaj mediave të pavarura dhe pranoi përpilimin e “listave të armiqve të Serbisë dhe krijimin e lëvizjeve politike anonime për të mbështetur minierën”, shkruan Politico.
“Franca ju do po aq sa ju e doni atë”, tha Macron, në serbisht, përpara Monumentit të Mirënjohjes në Francë gjatë vizitës së tij të mëparshme në Beograd në 2019.
Gjatë asaj vizite, “kishte një ofensivë edhe më të fortë sharmi”, sipas Politico, dhe shkruan se tani, përpara vizitës dyditore, Macron dërgoi një letër prej 1400 fjalësh në gazetat e përditshme në Serbi për “forcën dhe vitalitetin e lidhjet që bashkojnë francezët dhe serbët” dhe se ai synon “të ushqejë dhe thellojë një miqësi të çmuar”.
Portali i Brukselit vlerëson se Serbia ka llogaritur në faktin se Franca do ta mbështeste sa herë që shtetet e tjera evropiane e “fusin në një qoshe”.
Duke rikujtuar se në muajin maj Asambleja Parlamentare e Këshillit të Evropës votoi që Kosova të bëhet anëtare e Organizatës për të Drejtat e Njeriut, portali thekson se Franca ishte ndër vendet që bllokuan votimin për këtë çështje. /tesheshi.com/
