Vdekja e aktores Shannen Doherty, në moshën 53-vjeçare, ka shkaktuar trishtim në Hollywood.
Ylli i famshëm i “Beverly Hills”, vitet e fundit po luftonte me kancerin dhe të shtunën, më 13 korrik, humbi betejën, e rrethuar nga njerëzit e saj të dashur, si dhe qeni i saj i dashur.
Doherty u diagnostikua për herë të parë me kancer gjiri në vitin 2015. Për dy vite kanceri ishte në tërheqje, por në vitin 2019 ajo njoftoi se kanceri ishte rikthyer. Qershorin e kaluar, aktorja njoftoi se kanceri i kishte metastazuar në tru. Në nëntor, ajo tha se ishte përhapur në kockat e saj.
Aktorja në muajin prill, foli për gjendjen e saj shëndetësore dhe procedurën që ndjek në rast se nuk do të kishte një fund të lumtur. Siç zbuloi ajo në atë kohë, kishte pastruar magazinat dhe shtëpitë e saj muajt e fundit për ta bërë “një tranzicion më të lehtë” për nënën e saj, Rosa, kur ajo të vdiste.
“Prioriteti im tani është nëna ime”, tha aktorja gjatë një episodi të podcast-it të saj Let’s Be Clear. “E di se do të jetë e vështirë për të nëse unë vdes para saj. Për shkak se do të jetë shumë e vështirë për të, dua që gjërat e tjera të jenë shumë më të lehta. Nuk dua që ajo të ketë një mori gjërash për t’u marrë. Nuk dua që ai të ketë katër magazina plot me mobilje”.
Doherty shpjegoi në atë kohë se ajo filloi të kalonte nëpër pasuritë e saj për të dhuruar ose shitur antike dhe sende të tjera që kishte mbledhur gjatë viteve në rast se diçka i ndodhte asaj.
Aktorja kishte theksuar se lënia pas pronës dhe pasurive të tjera ndihmon “të lërë pas një tranzicion më të pastër dhe më të lehtë” për familjen e saj. Nëpërmjet këtij procesi siç kishte përmendur ajo, mësoi se pasuritë e saj nuk i sollën aq gëzim…/tesheshi.com/
