Siç është vënë re, debatet politike janë dominante në disa fasha oraresh në televizionet shqiptare, ku pak ose aspak bëjnë diferencën në kualitet, gjë që varet nga stili i moderimit, lloji i pyetjeve dhe sigurisht të ftuarit. Ndër to është dhe “360-Gradëshi” i Zhejit.
Me një përvojë të gjatë mediatike, të cilit edhe i janë besuar institucione me peshë në këtë lëmi si ATSH e RTSH – Çili i bësoi dhe Media MAPO-n – Zheji nuk ka mundur do të krijojë një profil të dallueshëm gazetari, në momentin kur i është besuar dhe një studio, ku zakonisht, ai apo të tjerë të ngjashëm me të vitet e fundit, janë ngacmuar në idenë për të garuar me Fevziun dhe sfiduar këtë të fundit. Nuk ia kanë arritur dot jo për standartin e lartë të Fevziut, aspak, por për mangësinë e thellë në të ofruarit të një standarti.
Mjafton të shohësh se ç’ofron puntata më e fundit e Zhejit. Ka të ftuar Berishën. Të kesh të ftuar sot ish-kryeministrin dhe liderin demokrat, nuk është ndonjë risi. Ai të vjen me qejf, ku ta duash por jo si ta duash. Pasi provoi t’i ofrosh lloje të tjera pyetjesh nga ato më shabllonet që i ofrohen, kudo ku shkon, në çdo studio, përballë çdo gazetari. Janë të njëjtat pyetje, për të njëjtat çështje, ku jepen të njëjtat përgjigje. Por nëse ka ndonjë vlerë thirrja përballë e Berishës, ato janë pikërisht pyetjet.
Berisha e ka lënë pas karrierën, e paçka derrnisë së tij për të qenë aktiv në politikën e ditës, ai duhet “xhiruar” për ato që kanë lënë pas e jo për ato që ndodhin apo do të ndodhin.
Me Berishën duhet trajtuar Berisha e jo çështjet për të cilat Berisha kërkon të flasë që në një farë mënyre dihen.
Përshembull, mund të pyetet:
A ekziston ndonjë fije skrupuloziteti që çdo gjë që i vjen nga “qytetari dixhital” ia servir publikut pa e verifikuar?
Ka 25 vjet që përdor të njëjtin fjalor akuzues ndaj kundërshtarit. Në emër të ç’kauze?
Cilat janë reformat e tij përsa ka qeverisur dhe ç’lloj drejtësie i la vendit?
Ç’problematikë shoqërore e gjeti plagë dhe e shëroi?
Pse PD-ja e tij sot është katandisur në një parti me elektorat të tkurrur deri në dhimbje?
Për ç’aftësi e talent të veçantë ia besoi partinë Luzim Bashës?
Pse sa ishte në pushtet nuk iu vuri kapak çështjes së pronave dhe ish-të përndjekurve?
Ku ka konsistuar djathtizmi i tij në politikëbërje?
Pse ka votuar dhe më pas nuk e ka zhbërë ligjin komunist me pasoja 7051?
Cili është standarti i tij etik dhe moral në politikë?
A beson se ka qenë një udhëheqës i drejtë për vendin?
Çfarë ka përfituar Shqipëria nga zotësia dhe morali im tij?
Nëse nuk mund t’i bëhen këto pyetje, një intervistë me Berishën nuk ka asnjë vlerë.
– Çfarë mendon Berisha në lidhje me ngjarjet më të fundit për rastin e Xhisiela Malokut, mund të quhet ky, tashmë një rast i mbyllur?
– Çfarë strategjie duhet të zgjidhet me Edi Ramën dhe çfarë do të bëjë PD në zgjedhjet e ardhshme?
– Oligarkët, a kemi të tillë dhe kush janë sot ata?
– A ishin Oligarkët e sotëm, miqtë e djeshëm?
– Platforma Basha, për Vettingun në Politikë, duket se nuk gjeti sa duhet mbështetjen te ndërkombëtarët! Cili është gjykimi i Berishës për këtë?
– Në verën e kaluar, Fronti Opozitar premtoi protesta të mëdha, që në Shtator, përse nuk po marrin jetë ato?
– A do të mundet Berisha ta bashkojë Partinë Demokratike, në një qëndrim të vetëm dhe a mund ti jepet fund sulmeve direkte që disidentët e sotëm, bëjnë përditshmërisht kundër Lulëzim Bashës?
– Përse shqiptarët, sot më shumë se dje, duken më të pandjeshëm dhe më të pashpresë, se zgjidhja e halleve të tyre, mund të vijë nga politika?
Por nuk mbarron këtu. Kë ka përzgjedhur Zheji si gazetarë për t’i patur përballë Berishës?
Dy emra pa asnjë lidhje me gaztërinë politike: Arian Çani dhe Beti Njuma. I pari, moderator i emisionit me theks karagjoz “Zonë e lirë”, pa asnjë lidhje me analitikën politike, të paktën atë të afrmuar në vite me disa emra përfaqsues, si dhe Beti Njumën, një gazetare kulture e dokumentarësh, autore dhe drejtuese e një hapësire për librin, me një profil të admirueshëm ndërtuar në vite brenda kësaj hapësire, por që nuk as ajo pikën e lidhjes me gazetarinë politike, vetëm nëse do bisedojë me Berishën për letërsinë e librat e lexuar së fundi.
Mund të jetë dhe Suçi në lidhje direkte nga Amerika, por kjo meriton një trajtim më vete…/tesheshi.com/
