Në Gjermani, aktualisht janë 36 politikanë nën mbrojtjen e anëtarëve të Byrosë Federale të Krimit (BKA), tha Bundestagu.
“Nga 36 politikanë nën mbrojtje, dhjetë kanë përcjellje të përhershme. Për të tjerët, mbrojtja përmirësohet në varësi të situatës”, u sqarua nga autoritetet e Berlinit.
E gjitha kjo vjen për shkak të sulmeve të ndryshme ndaj tyre, sidomos nga grupet e djathta ekstreme.
“Megjithëse, siç përgjigjet Ministria e Brendshme, numri i politikanëve që kanë nevojë për mbrojtje është në rënie, sulmet e shpeshta ndaj politikanëve kohët e fundit nuk na japin asnjë arsye për të mos u shqetësuar”, tha një zëdhënës.
Midis politikanëve të kërcënuar është socialdemokrati Karamba Diaby.
Zyra e këtij politikani me origjinë afrikane në Halle është sulmuar vetëm disa herë këtë vit me armë zjarri.
Vitin e kaluar, në qershor, jo larg Kassel-it, politikani demokrat Walter Luebke u vra për mbështetje të refugjatëve, dhe i dyshuari për vrasje është një anëtar i mirënjohur i skenës politike të ekstremit të djathtë.
Disa muaj më parë, kryetari i qytetit të Kamp-Lintfort të Gjermanisë Perëndimore kërkoi leje për të mbajtur armë zjarri për shkak të kërcënimeve të shpeshta. /tesheshi.com/
