Në pritjen në Shtëpinë e Bardhë me rastin e festimit të Hanukka-s, një feste tradicionale hebrje, presidenti amerikan Joe Biden tha se nëse Izraeli nuk do të ekzistonte, asnjë hebre në botë nuk do të ishte i sigurt.
Duke folur në pritje, presidenti tha se SHBA-ja “do të vazhdojë të ofrojë ndihmë ushtarake për Izraelin derisa ata të heqin qafe Hamasin, por ne duhet të jemi të kujdesshëm – ata duhet të jenë të kujdesshëm. Opinioni publik në mbarë botën mund të ndryshojë brenda natës dhe ne nuk mund ta lejojmë këtë të ndodhë”.
Ai theksoi se mbështetja e tij për Izraelin dhe hebrenjtë është e palëkundur.
“Nëse nuk do të ishte për Izraelin, nuk do të kishte asnjë hebre në botë që të jetë i sigurt,” tha Biden duke korrur duartrokitje.
Biden shtoi se ai hasi telashe dhe kritika kur tha disa vite më parë se “nuk duhet të jesh hebre për të qenë sionist, dhe unë jam sionist”. /tesheshi.com/
🇺🇸🇮🇱🚨‼️ “I’m a Zionist”
— Joe Biden pic.twitter.com/Kog3HxVowy
— Lord Bebo (@MyLordBebo) December 12, 2023
